Шинэ мэдээ

Шинэ мэдээ ч гэж дээ, мэдэж байгаа нь сая юм даа. :)
Манай ангийн охидуудад хүүхэд гаргах бол хэвийн үзэгдэл бололтой. Ерөөсөө хэлэхгүй юм.
Ууганаагийн Бооёо төрсөн гэж сураг сонслоо. 3 дахь хүүхэд нь. Хүүд үзээд бараагүй бололтой. Явуу төрөөд нэлээд удаж байнаа. Ганбаагийн эхнэр бас төрсөн. Энэ мэдэгдэж байгаа хүмүүсээ нэг эргэх юмсан.
Тэгж байтал Асагийн эхнэр удахгүй төрлөө.

Умбажа

Сүүлийн үеийн товч мэдээ

-Чинзо УБ-т ирээд явав.
-Бодио Өм явав.
-Явуу төрж охинтой болов.
-Гбд -ийн эхнэр 4-н сард төрнө.
-Б.Бооёо Сингад сурч байна.
-Аса архинаас гарав.
-Өлзий удахгүй Со-оос ирнэ.
-Даваа ойрд сураг алга.
-...

Мэндчилгээ

Асуултад хариулъя

Б.Бооёо "Ангийнханы 10 жилийн ой дууссан уу?" гэж асуусан байна. Асуултад хариулъя. "Ангийнхны 10 жилийн ой дуусаагүй байгаа" гэж.

-Саяхан Дрийм пабад Аса, Бодио, Би, Батка, Х, Ганбаа бид нар хальт уулзлаа.

-2010.10.29-нд ангийн даргын өгсөн үүргийн дагуу сургууль дээгүүр хальт орлоо. Үе үеийн төгсөгч нарын төлөөлөл ирсэн Чойжоо багш товч танилцуулга хийгээд байж байна лээ. Сургууль талаас таньдаг хүмүүс гэвэл Батнасан багш, Цогтбаатар багш нар л байна. Төгсөгч бүр 10 мянган төгрөг цуглуулж ойрын хугацаанд дансанд нь тушаах юм байна шүү. Бас 11-р сарын 19, 20 -нд сургуулийн ойн арга хэмжээ болно гэнэ.

Умбажа

Сайхан наадаарай

Нар асгарч хур тэгширсэн, найр хөгжиж, хуур уянгалсан монгол наадам айсуй. Эх дэлхийд түүхээр гайхуулсан Их Монголын 804 жил, Ардын хувьсгалын 89 жилийн ойн их баяр наадмын мэнд хүргэе. Эр бяраараа эзэн нь байж, эрмэг хурдаараа эрэлхэг нь байж, эрхий мэргэнээрээ түрүүнд нь байж, дэлгэр зуны налгар талдаа дэнж хотойтол сайхан наадаарай

Онолт багшийн лекц

Гадаадад байгаа Монгол мэргэжилтнүүдийн Зуны лекц - 2010

Арга хэмжээ 2010.7.23-нд болох ба Онолт багш лекц унших юм байна.

Дэлгэрэнгүй:
http://summer.monamerchamber.org/schedule/

Уулзалтын зурагнаас ...

5 жилийн арга хэмжээнд оролцсон хүмүүс

Түүх сөхөж үзвэл 2005 онд манай ангийн 5 жилийн ойн уулзалтад 11 хүн оролцжээ. Үүнд: Ганбаа, Бодио, Умбажа, Өлзий, Лхамаа, Бүлтэг, Чинзо, Ууганаа, Бооёо, Аса, Туяа, (Бүрнээ, Х.Бооёо, Алтантуяа гурав УБ хотод болсон арга хэмжээнд оролцсон).

Хүн орхиогүй биз ??? :)

Даваа, Явуу 2 гадаадад байсан авч арга хэмжээг зохион байгуулахад хандив өргөж, утсаар ярьж баяр хүргэсэн санагдаж байна.

10 ЖИЛИЙН ОЙН АРГА ХЭМЖЭЭНИЙ ХӨТӨЛБӨР (Төсөл)

Саналаа ирүүлнэ үү. (Мессенжер хаягаар)


2010 оны 6 дугаар сар 09


2010 оны 6 дугаар сарын 18 / Баасан гараг/

09:30– 09:50 Цугларалт. СБ талбай дээр.

10:00–11:00 Хүлээн авалт. / Улаанбаатар ресторан /
Чойжоо, г.м багш нарыг урих, дурсгалын зураг татуулах/

11:10 –11:30 МУБИС-ийн Компьютер, мэдээллийн технологийн сургуулиа эргэх, дурсгалын зүйл гардуулах,

11.40-14:00 Дархан хот руу хөдлөх. /Замд ..... ??? /

14.00-16:00 Дархан хотод очих. /Бүлтэг, Лхамаа 2-ыг авах,
Дарханы дүүжин гүүрэн дээр дурсгалын зураг татуулах, Дархан цай уух (хаана?) /

16:00-19.00 Эрдэнэт. Амраа эгчийнд очих,

20.00-21:00 Цааш амралт руу хөдлөх.

21.00 Амралтанд очих. Оройн хоол, Диско


2010 оны 6 дугаар сарын 19 / Бямба гараг/

09.00 Өглөөний цай.

10.00-13.00 Чөлөөт цаг. Гар бөмбөгийн тэмцээн, ...

13.00 Өдрийн хоол. Хорхог

14.00-18.00 Чөлөөт цаг. Морин байлдаан-5 жилийн ойгоор явуулж байсан.

18.00 Оройн хоол

19.00 Галын наадам


2010 оны 6 дугаар сарын 20 / Ням гараг /

09.00 Өглөөний цай

10.00-11.30 Эрдэнэт хүрэх

11:30-12.00 Эрдэнэ -> Амарбаясгалант хийд рүү явах.

12:00 – 13:00 Амарбаясгалант хийд үзэх

13:00 – 14:30 Дархан

14:30 – 15:30 Цай уух

15:30-18.00 УБ хот орох зам


Хэдэн төгрөгөөр нийлэх ээ төлөвлөгөө гаргаж байгаад тооцож үзье

д/д Ажил Хариуцах Хугацаа
1. Явах хүмүүсийн тоо гаргах, зарлах. Умбажа 2010.06.15-ны дотор
2. Амралтанд захиалга өгөх. /Хоол, хорхог/
Чинзо 2010.06.15-ны дотор
3. Нийллэгийн мөнгө цуглуулах Ганбаа 2010.06.18-ны дотор
4. Унаа захиалах Бодио 2010.06.17-ны дотор
5. Рестораны захиалга өгөх Х.Бооёо 2010.06.17-ны дотор
6. Зургийн аппарат авч явах, дурсгалын зургуудыг арга хэмжээний дараа хүмүүст тараах, блогт оруулах Ганбаа 2010.06.25-ны дотор
7. Хөгжөөнт тэмцээн уралдаан зохион байгуулах бэлтгэл хангах Б.Бооёо 2010.06.18-ны дотор
8. Хүнс, цэвэр ус, ундаа, цуглуулах Б.Бооёо, Явуу, Бодио
9. Гадаадад байгаа болон явахгүй хүмүүсээс амралтад өгч явуулах “нөхөн төлбөр” авах,  Явуу 2010.06.18-ны дотор
10. Багш нарт урилга тараах Ууганаа 2010.06.17-ны дотор


Умбажа

Чинзо

Чинзо мэнд үү ? Сонин сайхан юу байнаа ? Нэтээс зургийг чинь олж харлаа. :)

Мэндчилгээ

Ангийн охидууддаа эмэгтэйчүүдийн баярын мэнд хүргэе !

зөвхөн С.Батхуягаас :)

Баяр хүргэе !!!

DREAM IT төслийн хүрээнд “Мэдээллийн Технологи – Хөгжилд” эссэ бичлэгийн уралдаанд
сэтгүүлч, нийтлэлч, судлаач, багш, төрөл бүрийн салбарын мэргэжилтнүүдийн ангилалд Б.Болормаа түрүүлсэн байна.

Ангийнхаа хамт олны өмнөөс баяр хүргэе !

Ууганаагийн блогоос авав

Дугуйн аялал 3
Бид 3 дахь удаагийн дугуйн аялалаа зохион байгуулж, сайхан яваад ирлээ. Төв аймгийн Манзушир амралтын газар, 50 км орчим зайтай.

Нэг машин, 5 дугуйчин бэлтгэлээ базааж аянд гарлаа. Умбажаа-н машиныг дүү нь жолоодож явсан юм. Машинд Бооёо, Соко, Лхам, Сувдаа 4-үүлээ явав.

Аялал эхлэхэд Ганбаа, Туяа, Батхуяг, Явуун бидний 5 нөхдүүд гараанаас гарсан боловч нисэхээс цааш гараад Явуун машинд сууж явахаар болов. Явууны дугуй холын аялал хийхэд арай л тохиромжгүй, жижиг дугуйтай байсанаас болсон биз.

Миний хувьд ойрд хөдөлгөөн хийгээгүй болохоор амьсгаадаж, бас өгсүүр газар цуцах шинжтэй болов, аз болоход салхи хойноос байсан болохоор нэлээн таатай байв. Машин маань ойролцоо явах ёстой байтал биднийгээ орхиод аль хэдийн Төв аймаг орсон байлаа. Бид нэг даваа даваад л машин хүлээж байгаа байх гэж горидоно, машин байхгүй. Машинд идэж уух зүйлсээ орхисон нь буруутсан байна. Хоол усгүй Төв аймаг хүртэл гүрийлгэсэнд Умбаж жаахан уур нь хүрсэн байх, Ганбаа-н өчигдөр оройны хийсэн будаатай хуурганы үлдэгдэлийг идэж жаахан хүч оров.

Төв аймаг руу орохын өмнө талын өгсүүр дээр машин маань урдаас гарч ирэв. Тэд аймгийн төвөөр нэлээн тэнэж байгаад ирсэн бололтой.

Цааш нэг их саадгүй явсан боловч Манзушир орох зам нь шороон, дээрээс нь салхи яг урдаас хүчтэй байсан нь биднийг нэлээн цуцаасан. Зарим газар дугуйгаа түрж явав.

Манзуширт машинтай нөхдүүд маань түрүүлж очоод нэг гэр хөлслөөд орцгоосон байв. Биднийг очиход 7 цаг орчим болж байсан боловуу даа. Эрчүүд нь цуйван, бүсгүйчүүд нь хуушуур, 2 хүүхдэдээ бантан захиалж идэцгээв. Хуушуур нь хайраад удсан шинжтэй, ямар ч шөлгүй аргуу, шал дэмий юм. Хоол ер нь тааруухан юм.

Авч явсан махаараа хорхог хийлгэсэн нь харин их гоё болсон. Өглөө нь сүүтэй цайнд хийгээд идэхэд ч үнэхээр сайхан байсан шүү. Шөнө 4 цаг хүртэл тал болж хөзөр тоглоцгоов, бас нэг шил архи ууцгаав.

Өглөө модоор явж, Манзуширын музейг сонирхцгоов. Оюутнууд, бусад амрагчид ер нь нэлээн их байсан. Ойрхон болохоор хүмүүс энд нэлээн их амардаг байж магадгүй юм.

Буцах замд салхи яг өөдөөс салхилж явахад нэлээн хэцүү байсан, гэхдээ өмнөх өдөр нь яваад амьсгаа задарсан байсан юм шиг байгаан, нэлээн эрчтэй явж байсан. Нисэх рүү их хурдан орж ирсэн дэ. Айдасын даваа өгсөхөд нэлээн цуцсан байж магадгүй, бусдаар их сайхан явж ирлээ. Машин маань ч гэсэн ойр ойрхон хүлээж зогсоод ус, идэх юмаар үйлчилж байв.

Соко-д энэ аялал их л сонирхолтой байгаа бололтой байсан. Охиноо бас далимд нь салхинд гаргаж байгаа нь хэрэгтэй юм даа гэж бодож явав. Сайхан аялаад ирлээ.

Баярын мэнд !!!

Нас нэмж ухаан тэлсэн. Цас орж өнгө чимсэн 2010 ондоо. Одтой хийморьтой. Оргилсон их бүтээлтэй. Эрүүл энх. Инээд хөөрөөр цалгисан. Сэтгэл хангалуун. Итгэл дүүрэн. Хайр тань дундрахгүй. Аз тань дутахгүй байж. Хүний орчлонгийн сор болж. Мөрөөдсөн бүхнээ биелүүлэх болтугай. Эрхэм та шинэ ондоо аз жаргалтай, эрч хүчтэй, оргилуун хүсэлтэй, алхан орж хайртдаа зүрхээ, найздаа сэтгэлээ, аав ээждээ асралаа, ах дүүсдээ энэрлээ, хамт олондоо хүчээ, улс орондоо ухаанаа зориулахыг хүсье. Баярын мэнд.

Баяр хүргэе !!!

“Vйлдвэрлэл ба залуучууд” эрдэм шинжилгээ, онол практикийн III бага хуралд Чинзо оролцож Тэргүүн байр эзэлсэнд байр хүргэе. Тэрээр “Vнэмлэхvй шилдэг бvтээл”-д “Автомашины байрлал тодорхойлох, хянах систем ” сэдэвт илтгэлээр шалгарч нэг сая тєгрєгийн шагнал хүртсэн байна. Ойрдоо нэг Чинзогийн буянаар уулзах юм шиг байнаа :) :) :) Харин хэзээ уулзах бол ???

Умбажа...

Баярлалаа

Шинэ хүнтэй болсонд баяр хүргэсэн Бодио, Давка, ГБД, Явуун,Аагий,Оргил, Чинзо, Аса, Бооёо нартаа баярлалаа. Одоо эхнэр, хүүхдийн бие сайн. Ангийн андуудын буянаар үрээр баян болох байх аа :)

Жич: Бодио, Аса нарт: Өчигдөр Аагийгийн ажил дээр очиж шатар нүүв. Хандыг нь хага дарлаа. :) Ямар хүнд байдалд орсноо Аагий хэлэх байх. Бэлтгэлээ сайн хийцгээнэ шүү :)

Цэрэн-Онолт багшийн тухай блог уншив

Цэрэнбат гэдэг хүний блог дээрээс Цэрэн-Онолт багшийн тухай мэдээлэл уншлаа.

http://tserenbat.blogspot.com/2009/10/blog-post.html

Онолт багш гялалзаж яваа юм байна аа.

Ангийн багш

Ангийн багшийн хаана явна :) http://www.users.abo.fi/tishdorj/