Сак аялал

Юуны өмнө санаандаа бууж байгаагаа анх удаа бичиж байгаа учраас бичсэн текст маань таг түг гээд уншихад эвгүй байж магадгүй. Гэхдээ бүгдээрээ хоорондоо блогоо ашиглаад ингэж бичиж сурвал илүү өөрийгөө хөгжүүлж магадгүй байх гэж бодлоо. Ингээд таг түгээ эхэлье :)

Монголынхоо байгалд аялах сайхаан. 2007 онд Гбд, Туяа, Би, Явуун гээд нийлээд хөдөө явснаа дурсахад одоо сайхан дурсамж үлдсэн байна шүү. Би ахынхаа хайс микрог аваад эхнэр хүүхдээ суулгаад, нэг дүүгээ аваад /машин эвдрэхэд ойр зуурын мэдлэгтэй хүн хэрэгтэй, мөн зуу татахад бас хэрэгтэй гэж бодсоноо нуугаад яахав/, Гбд рүү очоод, Туяаг хүлээж хүлээж хүлээж ажлаас нь аваад Барс зах орлоо. Тэндээсээ ойр зуурын хүнсний зүйл цуглуулж, яаж хоосон байхав, архи, пивоо бас авлаа.
Бид нар нэлээн оройхон УБ-аас гарсан. Замдаа буу халж, хөгжилтэй явсан шүү. Явж байтал харанхуй болж Борнуур өнгөрөөд замын хажууд хоноглолоо. Маргааш нь цааш хөдөлж Дархан орлоо. Дарханд Лхамаатай хальт уулзсан. Шинээ биднийг тосч Дарханаас Эрдэнэт рүү гаргаж өгсөн. Шинээ биднийг дайлсан зургийг орууллаа. Ингээд цааш хөдөлж Эрдэнэт хотын барааг харлаа. Амараа эгчийнд очиж сайхан дайлууллаа. Чинзо яасныг санахгүй байна шүү. :) Эрдэнэтэд нэлээн оройтсон боловч замд гарахаар шийдэж харанхуй болсон хойно Булган явлаа. Шөнө болсон учир Булганы төв өнгөрөөд майхнаа барьж, сайхан амарцгаалаа. Харамсалтай нь сайн унтаж чадсангүй. Учир нь бид майхнаа Булганы наадам хийх гэж байгаа морь уралдааны талбайн голд барьчихсан байж. Тэр өглөө наадам нь эхлэх гэж байсан учир бид нар өглөө эртлэн босож цааш хөдөллөө.

Цаашаагаа Хөвсгөл далай хүртэлхийг нэг нь бичээрэй. Залхуу хүрэв. :)